On-Page SEO Techniques – 2018 | SEO-Friendly Article kaise likhe (Complete Guide) - Blogging Dunia

Sunday, August 26, 2018

On-Page SEO Techniques – 2018 | SEO-Friendly Article kaise likhe (Complete Guide)

On-Page SEO Techniques jaanne se pehle aapko SEO ke baare mein jaanna bahut zaroori hai. Agar aapko SEO aur On-Page SEO ke bare mein nahi pata to aap pehle mera article: SEO kya hota hai | Types of SEO in Hindi (Full Explaination) ko acche se pade aur uske baad is article mein On-Page SEO Techniques ke bare mein jaane.

Read also about: Off-Page SEO Techniques - 2018 | Create High Quality Backlinks (Hindi)

Jaisa ki aap jaante hain ki On-Page SEO, article likhte waqt kiya jata hai. To hume hamesha SEO-Friendly article likhna bahut zaruri hai.
seo,how to write seo friendly article,on page seo,seo tutorial,write seo friendly article on blogger blog,seo friendly article,seo-friendly article,on page seo step by step,seo techniques,seo ranking,on page seo techniques,how to write an seo article,seo tutorial for beginners,article writing,write seo optimized article,seo tips,off page seo tutorial,what is seo,seo in hindi,articles seo
On-Page SEO Techniques – 2018 | SEO-Friendly Article kaise likhe (Complete Guide)

SEO-Friendly article likhte waqt hume bahut saare cheezo ka dhyaan rakhna padta hai. Main aapko yahan par On-Page SEO Techniques ke saath saath Blogger par SEO-Friendly article likhne ki complete guide dene wala hoon.

On-Page SEO Techniques & SEO-Friendly article likhne ki Step by Step Guide:

#Optimize Blog post Title: 

Apne post ka title bahut soch samajh kar de. Ek post ka title dene ke liye aapko keywords research karna padega. Market mein bahut saare free aur paid Keyword research tools available hain.
seo,how to write seo friendly article,on page seo,seo tutorial,write seo friendly article on blogger blog,seo friendly article,seo-friendly article,on page seo step by step,seo techniques,seo ranking,on page seo techniques,how to write an seo article,seo tutorial for beginners,article writing,write seo optimized article,seo tips,off page seo tutorial,what is seo,seo in hindi,articles seo
Keyword Research Tools
Keyword Research Tools:
Hume in sab keyword research tools se aisa keyword search karna hai jiska search volume zyada (high) ho aur competition low ho. SEO Expert ke mutabik hume apne post title ke liye long tail keyword ka istemaal karna chahiye. Long tail keyword ka matlab aisa keyword jiske saath aur bhi words ho jaise agar apka keyword “On-Page SEO” hai to Longtail Keyword hoga “On-Page SEO kya hota hai”.

Aapke Blog post ka title jitna attractive aur demanding hoga utni acchi uski search engine me ranking hogi.

Aur jitni acchi ranking hogi utna zyada aapke Blog post me traffic ayega. To is tarah se aap apne Post title ko optimized (behtar/upyukt) bana sakte hain. 

#Include Proper Headings & Sub-Headings: 

Apne Blog post me proper headings aur sub-headings de. Post ke requirement ke hisaab se different size jaise H2, H3, H4, H5 type ke headings/Sub-Headings daale. Proper headings/ Sub- Heading daalne se apka post suljha hua(Organized) aur khoobsurat dikhne lagta hai. Koshish kare aap hamesha ekdum simple aur normal font ka istemaal kare.

#Use Optimized/SEO friendly Images: 

Apne Blog post me image zaroor daale kyunki bina image ka post bahut hi boring aur bhadda dikhta hai. Image aapke post me raunak daal deta hai jisse reader ko aapka poora post padne ki iccha paida hoti hai. Kam se kam ek post me 2-3 images hona zaruri hai. Images aisa daale jo aapki post ko short me batati ho ya hint deti ho ki is post me kya khaas (Important) points hain. 

Image ko optimize kaise kare ya SEO-Friendly kaise banaye: 
  1. Khud ka image banaye – Hume khud ka image bana kar post me daalna chahiye. Khud ka image banana ke liye hum chahe to canva.com ka sahara le sakte hain. Google image se kabhi bhi copy paste na kare kyunki who illegal hai. Agar chahe to free stock image website jaise pexels.com, pixabay.com, unsplash.com se kuch images free me download karke usme kuch editing/modification karke istemaal kar sakte hain. 
  2. Image ka proper naam de – Hume image ka apne keyword se related naam dena hoga. Jo bhi naam de har ek word ke bich me space ke jagah hyphen symbol, “-” ka istemaal kare. 
  3. Image properties – Image ke properties option ke andar jo title text ka box hota hai usme proper title daale apne post title ke hisab se. Dusra box Alt text ka hota hai matlab aapko apne image ka alternative naam daalna hai. To aap is box me apne post related ek ya ek se zyada keywords daal sakte hai, dhyaan rakhe ek se zyada keywords daalte waqt bich me comma dena na bhoole. 
  4. Caption add kare – Yaad se apne image ka caption bhi daale kyunki caption hi image ke niche display hota hai to caption me apka post related keyword zaroor hona chahiye
  5. Image Size – Image size aap kam se kam (800 X 533) px  rakh sakte hai aur jab blogger ke post me upload kare to hamesha X-Large rakhe kyunki ye size automatically apke post ke hisab se adjust ho jati hai.

#Use Custom Permalink: 

Hamesha custom permalink ka istemaal kare kyunki yehi aapke post ki link hai jise search engine crawl karte waqt keyword ke zariye se dhund pata hai aur apne result page me rank karta hai. To hum custom permalink ke zariye se apna Blog post google search engine ke top me rank karwa sakte hai agar hum customized permalink daale.

Permalink ko customized kaise kare: 

  • Zyada bada nahi hona chahiye, kam se kam 2-3 words kafi hai. 
  • Saare words hyphen se separated hone chahiye. 
  • Main keyword hona bahut zaruri hai. 
  • Saare words lowercase me hone chahiye. 
  • Ho sake to stop words jaise to, from, is, the, of, wagaira hata (Exclude kar) dene chahiye.

#Use proper Search Description/Meta Description: 

Bahut saare log post likhte waqt apne post ka meta description daalna bhool jate hai aur jis wajah se unka post search engine par rank nahi kar pata. Jab aap google search ke result page me dekhenge to aapko post tile ke saath saath post ka meta description bhi dikhai dega. Y description dekh kar hi pata chalta hai ki aapke post ka content kya hai aur wohi dekh kar log aapke post mein interest dikhayenge. To aapke post ka proper meta description hona bahut zaruri hai.

Hame apne post ka pehla, aakhri  ya main paragraph (jisme keyword ho) ka hissa le kar yahan par daalna hai. Hum chahe to ek se zyada baar bhi keywords dekha sakte hai comma daal kar but koshish kare ki kam se kam time keyword daale kyunki baar baar keyword daalne se bhi problem aati hai.

#Use Internal & External link: 

Apne Blog post me internal link ko zaroor daale. Internal link ka matlab apne dusre post ka link apne is post ke saath jodna. Agar aap aisa karte hain to aapke Blog ki traffic automatically badne lagegi aur aapka post search engine ke top me ranking karne lagega.

External link ka bhi zaroor istemaal kare. External link ka matlab dusre websites ka url apne post ke saath jodna. Agar aap aisa karte hain to aapke Blog ki traffic automatically badne lagegi aur aapka post search engine ke top me ranking karne lagega. Link daalte waqt woh dono check box ko on kar de, ek “No follow” aur dusra “New window” ka.

Finally, dhyaan rakhe ki poore post me aap main keyword ko hamesha highlight kare “Bold” karke. Koshish kare ki aapke post ka main keyword aapke first, middle aur last paragraph me zaroor aye. Magar iska matlab katai nahi hai ki aap apne Blog post me main keyword ka bharmaar karde. Label me bhi apne post related keyword de.
seo,how to write seo friendly article,on page seo,seo tutorial,write seo friendly article on blogger blog,seo friendly article,seo-friendly article,on page seo step by step,seo techniques,seo ranking,on page seo techniques,how to write an seo article,seo tutorial for beginners,article writing,write seo optimized article,seo tips,off page seo tutorial,what is seo,seo in hindi,articles seo
On-Page SEO Techniques – 2018 | SEO-Friendly Article kaise likhe (Complete Guide)

Main ummeed karta hoon ki aapko yeh mera article bahut pasand aya hoga aur pata chala hoga ki On-Page SEO Techniques kya kya hai aur kis tarah se blogger par SEO-Friendly article likha ja sakta hai. Agar aap mere is step by step guide ko follow karke apne article likhenge to woh pakka Search Engine result page ke top me rank karega aur dher sara traffic layega jisse aap apne article ko famous kar sakenge aur bahut sara paisa bhi kama payenge.

Agar aapko meri yeh post sach me helpful lagi ho to apne family aur friends me zaroor share kare aur niche comment section me ja kar zaroor comment kare taki mujhe pata chale ki aap ko meri ye post kaisi lagi aur aap kaisi post mujhse future me chahte ho.

Thanks,
BloggingDunia!

2 comments:

  1. Nice article. Useful and helpful.

    ReplyDelete
  2. Thanks for your feedback..Subscribe to my site to stay updated with my latest valuable post.

    ReplyDelete